Kuch nahi milta
Kisi ki aankh sey sapney chura kar kuch nahi milta
Koi aik aadh sapna ho to phir accha bhi lagta hay
Hazaron khuwab ankhon main saja kar kuch nahi milta
Yeh accha hay Kay aapas Kay bharam na tootne payein
Kabhi kabhi doston ko azma kar kuch nahi milta
Amal ki sookhti rag main zara as khoon shamil kar
Mere humdam faqat batein bana kar kuch nahi milta
Mujhey aksar sitaron sey yeh awaz aati hay
Kisi Kay hijar main neendein ganwa kar kuch nahi milta
Jiggar ho jayega chalni yeh ankhein khoon say royengi
Ae dil Befaiz logon sey nibah kar kuch nahi milta
*******
No comments:
Post a Comment